6.1 วิธูปนทายกตฺเถรอปทาน
1.
1376
“ปทุมุตฺตรพุทฺธสฺส,
โลกเชฏฺฐสฺส ตาทิโน;
พีชนิกา มยา ทินฺนา,
ทฺวิปทินฺทสฺส ตาทิโน.
2.
1377
สกํ จิตฺตํ ปสาเทตฺวา,
ปคฺคเหตฺวาน อญฺชลิํ;
สมฺพุทฺธมภิวาเทตฺวา,
ปกฺกมิํ อุตฺตรามุโข.
3.
1378
พีชนิํ ปคฺคเหตฺวาน,
สตฺถา โลกคฺคนายโก;
ภิกฺขุสํเฆ ฐิโต สนฺโต,
อิมา คาถา อภาสถ._
4.
1379
‘อิมินา พีชนิทาเนน,
จิตฺตสฺส ปณิธีหิ จ;
กปฺปานํ สตสหสฺสํ,
วินิปาตํ น คจฺฉติ’.
5.
1380
อารทฺธวีริโย ปหิตตฺโต,
เจโตคุณสมาหิโต;
ชาติยา สตฺตวโสฺสหํ,
อรหตฺตํ อปาปุณิํ.
6.
1381
สฏฺฐิกปฺปสหสฺสมฺหิ,
พีชมานสนามกา;
โสฬสาสิํสุ ราชาโน,
จกฺกวตฺตี มหพฺพลา.
7.
1382
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
1383
อิตฺถํ สุทํ อายสฺมา วิธูปนทายโก เถโร อิมา คาถาโย อภาสิตฺถาติ.
1384
วิธูปนทายกตฺเถรสฺสาปทานํ ปฐมํ.