6.4 คนฺโธทกิยตฺเถรอปทาน
25.
1406
“ปทุมุตฺตรพุทฺธสฺส,
มหาโพธิมโห อหุ;
วิจิตฺตํ ฆฏมาทาย,
คนฺโธทกมทาสหํ.
26.
1407
นฺหานกาเล จ โพธิยา,
มหาเมโฆ ปวสฺสถ;
นินฺนาโท จ มหา อาสิ,
อสนิยา ผลนฺติยา.
27.
1408
เตเนวาสนิเวเคน,
ตตฺถ กาลงฺกโต อหํ;
เทวโลเก ฐิโต สนฺโต,
อิมา คาถา อภาสหํ._
28.
1409
‘อโห พุทฺธา อโห ธมฺมา,
อโห โน สตฺถุสมฺปทา;
กเฬวรํ เม ปติตํ,
เทวโลเก รมามหํ.
29.
1410
อุพฺพิทฺธํ ภวนํ มยฺหํ,_
สตภูมํ สมุคฺคตํ;
กญฺญาสตสหสฺสานิ,
ปริวาเรนฺติ มํ สทา.
30.
1411
อาพาธา เม น วิชฺชนฺติ,
โสโก มยฺหํ น วิชฺชติ;
ปริฬาหํ น ปสฺสามิ,
ปุญฺญกมฺมสฺสิทํ ผลํ.
31.
1412
อฏฺฐวีเส กปฺปสเต,
ราชา สํวสิโต อหุํ;
สตฺตรตนสมฺปนฺโน,
จกฺกวตฺตี มหพฺพโล’.
32.
1413
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1414
อิตฺถํ สุทํ อายสฺมา คนฺโธทกิโย เถโร อิมา คาถาโย อภาสิตฺถาติ.
1415
คนฺโธทกิยตฺเถรสฺสาปทานํ จตุตฺถํ.