6.5 โอปวยฺหตฺเถรอปทาน
“ปทุมุตฺตรพุทฺธสฺส,
อาชานียมทาสหํ;
นิยฺยาเทตฺวาน สมฺพุทฺเธ,
อคมาสิํ สกํ ฆรํ.
เทวโล นาม นาเมน,
สตฺถุโน อคฺคสาวโก;
วรธมฺมสฺส ทายาโท,
อาคจฺฉิ มม สนฺติกํ.
สปตฺตภาโร ภควา,
อาชาเนโยฺย น กปฺปติ;
ตว สงฺกปฺปมญฺญาย,
อธิวาเสสิ จกฺขุมา.
อคฺฆาเปตฺวา วาตชวํ,
สินฺธวํ สีฆวาหนํ;
ปทุมุตฺตรพุทฺธสฺส,
ขมนียมทาสหํ.
ยํ ยํ โยนุปปชฺชามิ,
เทวตฺตํ อถ มานุสํ;
ขมนียํ วาตชวํ,
จิตฺตํ นิพฺพตฺตเต มม.
ลาภํ เตสํ สุลทฺธํว,
เย ลภนฺตุปสมฺปทํ;
ปุนปิ ปยิรุปาเสยฺยํ,
พุทฺโธ โลเก สเจ ภเว.
อฏฺฐวีสติกฺขตฺตุํหํ,
ราชา อาสิํ มหพฺพโล;
จาตุรนฺโต วิชิตาวี,
ชมฺพุสณฺฑสฺส อิสฺสโร.
อิทํ ปจฺฉิมกํ มยฺหํ,_
จริโม วตฺตเต ภโว;
ปตฺโตสฺมิ อจลํ ฐานํ,
หิตฺวา ชยปราชยํ.
จตุติํสสหสฺสมฺหิ,
มหาเตโชสิ ขตฺติโย;
สตฺตรตนสมฺปนฺโน,
จกฺกวตฺตี มหพฺพโล.
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
อิตฺถํ สุทํ อายสฺมา โอปวโยฺห เถโร อิมา คาถาโย อภาสิตฺถาติ.
โอปวยฺหตฺเถรสฺสาปทานํ ปญฺจมํ.