6.6 สปริวาราสนตฺเถรอปทาน
43.
1428
“ปทุมุตฺตรพุทฺธสฺส,
ปิณฺฑปาตํ อทาสหํ;
คนฺตฺวา กิลิฏฺฐกํ ฐานํ,
มลฺลิกาหิ ปริกฺขิตํ.
44.
1429
ตมฺหาสนมฺหิ อาสีโน,
พุทฺโธ โลกคฺคนายโก;
อกิตฺตยิ ปิณฺฑปาตํ,
อุชุภูโต สมาหิโต._
45.
1430
ยถาปิ ภทฺทเก เขตฺเต,
พีชํ อปฺปมฺปิ โรปิตํ;
สมฺมา ธารํ ปเวจฺฉนฺเต,
ผลํ โตเสติ กสฺสกํ.
46.
1431
ตเถวายํ ปิณฺฑปาโต,
สุเขตฺเต โรปิโต ตยา;
ภเว นิพฺพตฺตมานมฺหิ,
ผลํ เต โตสยิสฺสติ.
47.
1432
อิทํ วตฺวาน สมฺพุทฺโธ,_
ชลชุตฺตมนามโก;
ปิณฺฑปาตํ คเหตฺวาน,
ปกฺกามิ อุตฺตรามุโข.
48.
1433
สํวุโต ปาติโมกฺขสฺมิํ,
อินฺทฺริเยสุ จ ปญฺจสุ;_
ปวิเวกมนุยุตฺโต,
วิหรามิ อนาสโว.
49.
1434
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1435
อิตฺถํ สุทํ อายสฺมา สปริวาราสโน เถโร อิมา คาถาโย อภาสิตฺถาติ.
1436
สปริวาราสนตฺเถรสฺสาปทานํ ฉฏฺฐํ.