7.1 สกจินฺตนิยตฺเถรอปทาน
1.
1491
“ปวนํ กานนํ ทิสฺวา,
อปฺปสทฺทมนาวิลํ;
อิสีนํ อนุจิณฺณํว,_
อาหุตีนํ ปฏิคฺคหํ.
2.
1492
ถูปํ กตฺวาน ปุลินํ,
นานาปุปฺผํ สโมกิริํ;
สมฺมุขา วิย สมฺพุทฺธํ,
นิมฺมิตํ อภิวนฺทหํ.
3.
1493
สตฺตรตนสมฺปนฺโน,
ราชา รฏฺฐมฺหิ อิสฺสโร;
สกกมฺมาภิรทฺโธหํ,
ปุปฺผปูชายิทํ ผลํ.
4.
1494
เอกนวุติโต กปฺเป,
ยํ ปุปฺผมภิโรปยิํ;
ทุคฺคติํ นาภิชานามิ,
ปุปฺผปูชายิทํ ผลํ.
5.
1495
อสีติกปฺเปนนฺตยโส,
จกฺกวตฺตี อโหสหํ;
สตฺตรตนสมฺปนฺโน,
จตุทีปมฺหิ อิสฺสโร.
6.
1496
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
1497
อิตฺถํ สุทํ อายสฺมา สกจินฺตนิโย เถโร อิมา คาถาโย อภาสิตฺถาติ.
1498
สกจินฺตนิยตฺเถรสฺสาปทานํ ปฐมํ.