7.5 ภิสทายกตฺเถรอปทาน
29.
1527
“เวสฺสภู นาม นาเมน,
อิสีนํ ตติโย อหุ;_
กานนํ วนโมคยฺห,
วิหาสิ ปุริสุตฺตโม.
30.
1528
ภิสมุฬาลํ คณฺหิตฺวา,
อคมํ พุทฺธสนฺติกํ;
ตญฺจ พุทฺธสฺส ปาทาสิํ,
ปสนฺโน เสหิ ปาณิภิ.
31.
1529
กเรน จ ปรามฏฺโฐ,
เวสฺสภูวรพุทฺธินา;
สุขาหํ นาภิชานามิ,
สมํ เตน กุโตตฺตริํ.
32.
1530
จริโม วตฺตเต มยฺหํ,
ภวา สพฺเพ สมูหตา;
หตฺถินาเคน สนฺเตน,
กุสลํ โรปิตํ มยา.
33.
1531
เอกตฺติํเส อิโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
ภิสทานสฺสิทํ ผลํ.
34.
1532
สโมธานา จ ราชาโน,
โสฬส มนุชาธิปา;
กปฺปมฺหิ จุทฺทเส อาสุํ,
จกฺกวตฺตี มหพฺพลา.
35.
1533
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1534
อิตฺถํ สุทํ อายสฺมา ภิสทายโก เถโร อิมา คาถาโย อภาสิตฺถาติ.
1535
ภิสทายกตฺเถรสฺสาปทานํ ปญฺจมํ.