7.6 สุจินฺติตตฺเถรอปทาน
36.
1536
“คิริทุคฺคจโร อาสิํ,
อภิชาโตว เกสรี;
มิคสงฺฆํ วธิตฺวาน,
ชีวามิ ปพฺพตนฺตเร.
37.
1537
อตฺถทสฺสี ตุ ภควา,
สพฺพญฺญู วทตํ วโร;
มมุทฺธริตุกาโม โส,
อาคจฺฉิ ปพฺพตุตฺตมํ.
38.
1538
ปสทญฺจ มิคํ หนฺตฺวา,
ภกฺขิตุํ สมุปาคมิํ;
ภควา ตมฺหิ สมเย,
ภิกฺขมาโน อุปาคมิ.
39.
1539
วรมํสานิ ปคฺคยฺห,
อทาสิํ ตสฺส สตฺถุโน;
อนุโมทิ มหาวีโร,
นิพฺพาเปนฺโต มมํ ตทา.
40.
1540
เตน จิตฺตปฺปสาเทน,
คิริทุคฺคํ ปวิสิํ อหํ;
ปีติํ อุปฺปาทยิตฺวาน,
ตตฺถ กาลงฺกโต อหํ.
41.
1541
เอเตน มํสทาเนน,
จิตฺตสฺส ปณิธีหิ จ;
ปนฺนรเส กปฺปสเต,
เทวโลเก รมิํ อหํ.
42.
1542
อวเสเสสุ กปฺเปสุ,
กุสลํ จินฺติตํ มยา;
เตเนว มํสทาเนน,
พุทฺธานุสฺสรเณน จ.
43.
1543
อฏฺฐตฺติํสมฺหิ กปฺปมฺหิ,
อฏฺฐ ทีฆายุนามกา;
สฏฺฐิมฺหิโต กปฺปสเต,
ทุเว วรุณนามกา.
44.
1544
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1545
อิตฺถํ สุทํ อายสฺมา สุจินฺติโต เถโร อิมา คาถาโย อภาสิตฺถาติ.
1546
สุจินฺติตตฺเถรสฺสาปทานํ ฉฏฺฐํ.