7.9 สุมนตฺเถรอปทาน
62.
1568
“สุมโน นาม นาเมน,
มาลากาโร อหํ ตทา;
อทฺทสํ วิรชํ พุทฺธํ,
โลกาหุติปฏิคฺคหํ.
63.
1569
อุโภ หตฺเถหิ ปคฺคยฺห,_
สุมนํ ปุปฺผมุตฺตมํ;
พุทฺธสฺส อภิโรเปสิํ,
สิขิโน โลกพนฺธุโน.
64.
1570
อิมาย ปุปฺผปูชาย,_
เจตนาปณิธีหิ จ;
ทุคฺคติํ นาภิชานามิ,
พุทฺธปูชายิทํ ผลํ.
65.
1571
เอกตฺติํเส อิโต กปฺเป,
ยํ ปุปฺผมภิโรปยิํ;
ทุคฺคติํ นาภิชานามิ,
พุทฺธปูชายิทํ ผลํ.
66.
1572
ฉพฺพีสติมฺหิ กปฺปมฺหิ,
จตฺตาโรสุํ มหายสา;
สตฺตรตนสมฺปนฺนา,
ราชาโน จกฺกวตฺติโน.
67.
1573
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1574
อิตฺถํ สุทํ อายสฺมา สุมโน เถโร อิมา คาถาโย อภาสิตฺถาติ.
1575
สุมนตฺเถรสฺสาปทานํ นวมํ.