8.6 ติณสนฺถรทายกตฺเถรอปทาน
22.
1620
“หิมวนฺตสฺสาวิทูเร,
มหาชาตสฺสโร อหุ;
สตปตฺเตหิ สญฺฉนฺโน,
นานาสกุณมาลโย.
23.
1621
ตมฺหิ นฺหตฺวา จ ปิตฺวา จ,
อวิทูเร วสามหํ;
อทฺทสํ สมณานคฺคํ,
คจฺฉนฺตํ อนิลญฺชเส.
24.
1622
มม สงฺกปฺปมญฺญาย,
สตฺถา โลเก อนุตฺตโร;
อพฺภโต โอรุหิตฺวาน,
ภูมิยํฐาสิ ตาวเท.
25.
1623
วิสาเณน ติณํ คยฺห,
นิสีทนมทาสหํ;
นิสีทิ ภควา ตตฺถ,
ติโสฺส โลกคฺคนายโก.
26.
1624
สกํ จิตฺตํ ปสาเทตฺวา,
อวนฺทิ โลกนายกํ;
ปฏิกุฏิโก อปสกฺกิํ,
นิชฺฌายนฺโต มหามุนิํ.
27.
1625
เตน จิตฺตปฺปสาเทน,
นิมฺมานํ อุปปชฺชหํ;
ทุคฺคติํ นาภิชานามิ,
สนฺถรสฺส อิทํ ผลํ.
28.
1626
อิโต ทุติยเก กปฺเป,_
มิค สมฺมตขตฺติโย;
สตฺตรตนสมฺปนฺโน,
จกฺกวตฺตี มหพฺพโล.
29.
1627
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1628
อิตฺถํ สุทํ อายสฺมา ติณสนฺถรทายโก เถโร อิมา คาถาโย อภาสิตฺถาติ.
1629
ติณสนฺถรทายกตฺเถรสฺสาปทานํ ฉฏฺฐํ.