9.3 นิปนฺนญฺชลิกตฺเถรอปทาน
16.
1705
“รุกฺขมูเล นิสินฺโนหํ,
พฺยาธิโต ปรเมน จ;
ปรมการุญฺญปตฺโตมฺหิ,
อรญฺเญ กานเน อหํ.
17.
1706
อนุกมฺปํ อุปาทาย,
ติโสฺส สตฺถา อุเปสิ มํ;
โสหํ นิปนฺนโก สนฺโต,
สิเร กตฺวาน อญฺชลิํ.
18.
1707
ปสนฺนจิตฺโต สุมโน,
สพฺพสตฺตานมุตฺตมํ;
สมฺพุทฺธํ อภิวาเทตฺวา,
ตตฺถ กาลงฺกโต อหํ.
19.
1708
ทฺเวนวุเต อิโต กปฺเป,
ยํ วนฺทิํ ปุริสุตฺตมํ;
ทุคฺคติํ นาภิชานามิ,
วนฺทนาย อิทํ ผลํ.
20.
1709
อิโต ปญฺจมเก กปฺเป,_
ปญฺเจวาสุํ มหาสิขา;
สตฺตรตนสมฺปนฺนา,
จกฺกวตฺตี มหพฺพลา.
21.
1710
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1711
อิตฺถํ สุทํ อายสฺมา นิปนฺนญฺชลิโก เถโร อิมา คาถาโย อภาสิตฺถาติ.
1712
นิปนฺนญฺชลิกตฺเถรสฺสาปทานํ ตติยํ.