9.4 อโธปุปฺผิยตฺเถรอปทาน
22.
1713
“อภิภู นาม โส ภิกฺขุ,
สิขิโน อคฺคสาวโก;
มหานุภาโว เตวิชฺโช,
หิมวนฺตํ อุปาคมิ.
23.
1714
อหมฺปิ หิมวนฺตมฺหิ,
รมณียสฺสเม อิสิ;
วสามิ อปฺปมญฺญาสุ,
อิทฺธีสุ จ ตทา วสี._
24.
1715
ปกฺขิชาโต วิยากาเส,
ปพฺพตํ อธิวตฺถยิํ;
อโธปุปฺผํ คเหตฺวาน,
อาคจฺฉิํ ปพฺพตํ อหํ.
25.
1716
สตฺต ปุปฺผานิ คณฺหิตฺวา,
มตฺถเก โอกิริํ อหํ;
อาโลกิเต จ วีเรน,
ปกฺกามิํ ปาจินามุโข.
26.
1717
อาวาสํ อภิสมฺโภสิํ,
ปตฺวาน อสฺสมํ อหํ;
ขาริภารํ คเหตฺวาน,
ปายาสิํ ปพฺพตนฺตรํ.
27.
1718
อชคโร มํ ปีเฬสิ,
โฆรรูโป มหพฺพโล;
ปุพฺพกมฺมํ สริตฺวาน,
ตตฺถ กาลงฺกโต อหํ.
28.
1719
เอกตฺติํเส อิโต กปฺเป,
ยํ ปุปฺผมภิโรปยิํ;
ทุคฺคติํ นาภิชานามิ,
ปุปฺผปูชายิทํ ผลํ.
29.
1720
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1721
อิตฺถํ สุทํ อายสฺมา อโธปุปฺผิโย เถโร อิมา คาถาโย อภาสิตฺถาติ.
1722
อโธปุปฺผิยตฺเถรสฺสาปทานํ จตุตฺถํ.