9.5 รํสิสญฺญกตฺเถรอปทาน
30.
1723
“ปพฺพเต หิมวนฺตมฺหิ,
วาสํ กปฺเปสหํ ปุเร;
อชินุตฺตรวาโสหํ,
วสามิ ปพฺพตนฺตเร.
31.
1724
สุวณฺณวณฺณํ สมฺพุทฺธํ,
สตรํสิํว ภาณุมํ;
วนนฺตรคตํ ทิสฺวา,
สาลราชํว ปุปฺผิตํ.
32.
1725
รํสฺยา จิตฺตํ ปสาเทตฺวา,
วิปสฺสิสฺส มเหสิโน;
ปคฺคยฺห อญฺชลิํ วนฺทิํ,
สิรสา อุกฺกุฏี อหํ.
33.
1726
เอกนวุติโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
รํสิสญฺญายิทํ ผลํ.
34.
1727
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1728
อิตฺถํ สุทํ อายสฺมา รํสิสญฺญโก เถโร อิมา คาถาโย อภาสิตฺถาติ.
1729
รํสิสญฺญกตฺเถรสฺสาปทานํ ปญฺจมํ.