1.5 นฬมาลิกาเถรีอปทาน
37.
47
“จนฺทภาคานทีตีเร,
อโหสิํ กินฺนรี ตทา;
อทฺทสํ วิรชํ พุทฺธํ,
สยมฺภุํ อปราชิตํ.
38.
48
ปสนฺนจิตฺตา สุมนา,
เวทชาตา กตญฺชลี;
นฬมาลํ คเหตฺวาน,
สยมฺภุํ อภิปูชยิํ.
39.
49
เตน กมฺเมน สุกเตน,
เจตนาปณิธีหิ จ;
ชหิตฺวา กินฺนรีเทหํ,
อคจฺฉิํ ติทสงฺคติํ.
40.
50
ฉตฺติํสเทวราชูนํ,
มเหสิตฺตมการยิํ;
ทสนฺนํ จกฺกวตฺตีนํ,
มเหสิตฺตมการยิํ;
สํเวเชตฺวาน เม จิตฺตํ,
ปพฺพชิํ อนคาริยํ.
41.
51
กิเลสา ฌาปิตา มยฺหํ,
ภวา สพฺเพ สมูหตา;
สพฺพาสวา ปริกฺขีณา,
นตฺถิ ทานิ ปุนพฺภโว.
42.
52
จตุนฺนวุติโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
ปุปฺผปูชายิทํ ผลํ.
43.
53
กิเลสา ฌาปิตา มยฺหํ,
_ …เป… _
วิหรามิ อนาสวา.
44.
54
สฺวาคตํ วต เม อาสิ,
_ …เป… _
กตํ พุทฺธสฺส สาสนํ.
45.
55
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
56
อิตฺถํ สุทํ นฬมาลิกา เถรี อิมา คาถาโย อภาสิตฺถาติ.
57
นฬมาลิกาเถริยาปทานํ ปญฺจมํ.