18.1 โคฆาตกปุตฺตวตฺถุ
235.
255
ปณฺฑุปลาโสว ทานิสิ,
ยมปุริสาปิ จ เต อุปฏฺฐิตา;
อุโยฺยคมุเข จ ติฏฺฐสิ,_
ปาเถยฺยมฺปิ จ เต น วิชฺชติ.
236.
256
โส กโรหิ ทีปมตฺตโน,
ขิปฺปํ วายม ปณฺฑิโต ภว;
นิทฺธนฺตมโล อนงฺคโณ,
ทิพฺพํ อริยภูมิํ อุเปหิสิ.
237.
257
อุปนีตวโย จ ทานิสิ,_
สมฺปยาโตสิ ยมสฺส สนฺติกํ;
วาโส เต นตฺถิ อนฺตรา,
ปาเถยฺยมฺปิ จ เต น วิชฺชติ.
238.
258
โส กโรหิ ทีปมตฺตโน,
ขิปฺปํ วายม ปณฺฑิโต ภว;
นิทฺธนฺตมโล อนงฺคโณ,
น ปุนํ ชาติชรํ อุเปหิสิ.