1.1.7 สพฺพปริญฺญาสุตฺต
7.
32
วุตฺตเญฺหตํ ภควตา วุตฺตมรหตาติ เม สุตํ—
33
“สพฺพํ, ภิกฺขเว, อนภิชานํ อปริชานํ ตตฺถ จิตฺตํ อวิราชยํ อปฺปชหํ อภพฺโพ ทุกฺขกฺขยาย. สพฺพญฺจ โข, ภิกฺขเว, อภิชานํ ปริชานํ ตตฺถ จิตฺตํ วิราชยํ ปชหํ ภพฺโพ ทุกฺขกฺขยายา”ติ. เอตมตฺถํ ภควา อโวจ. ตตฺเถตํ อิติ วุจฺจติ—
34
“โย สพฺพํ สพฺพโต ญตฺวา,
สพฺพตฺเถสุ น รชฺชติ;
ส เว สพฺพปริญฺญา โส,
สพฺพทุกฺขมุปจฺจคา”ติ.
35
อยมฺปิ อตฺโถ วุตฺโต ภควตา, อิติ เม สุตนฺติ.
36
สตฺตมํ.