3.2.10 อุลูกชาตก
58.
748
“สพฺเพหิ กิร ญาตีหิ,
โกสิโย อิสฺสโร กโต;
สเจ ญาตีหิ อนุญฺญาโต,
ภเณยฺยาหํ เอกวาจิกํ”.
59.
749
“ภณ สมฺม อนุญฺญาโต,
อตฺถํ ธมฺมญฺจ เกวลํ;
สนฺติ หิ ทหรา ปกฺขี,
ปญฺญวนฺโต ชุตินฺธรา”.
60.
750
“น เม รุจฺจติ ภทฺทํ โว,
อุลูกสฺสาภิเสจนํ;_
อกฺกุทฺธสฺส มุขํ ปสฺส,
กถํ กุทฺโธ กริสฺสตี”ติ.
751
อุลูกชาตกํ ทสมํ.
ปทุมวคฺโค ทุติโย.
752
ตสฺสุทฺทานํ
753
ปทุมุตฺตม นาคสิริวฺหยโน,
ส-มหณฺณว ยูป ขุรปฺปวโร;
อถ ภทฺทลี กุญฺชร รุกฺข ปุน,
ขรวาจ อุลูกวเรน ทสาติ.