3.4.3 วฑฺฒกีสูกรชาตก
97.
804
“วรํ วรํ ตฺวํ นิหนํ ปุเร จริ,
อสฺมิํ ปเทเส อภิภุยฺย สูกเร;
โส ทานิ เอโก พฺยปคมฺม ฌายสิ,
พลํ นุ เต พฺยคฺฆ น จชฺช วิชฺชติ”.
98.
805
“อิเม สุทํ ยนฺติ ทิโสทิสํ ปุเร,
ภยฏฺฏิตา เลณคเวสิโน ปุถู;
เต ทานิ สงฺคมฺม วสนฺติ เอกโต,
ยตฺถฏฺฐิตา ทุปฺปสหชฺชเม มยา”.
99.
806
“นมตฺถุ สํฆาน สมาคตานํ,
ทิสฺวา สยํ สขฺย วทามิ อพฺภุตํ;
พฺยคฺฆํ มิคา ยตฺถ ชินิํสุ ทาฐิโน,
สามคฺคิยา ทาฐพเลสุ มุจฺจเร”ติ.
807
วฑฺฒกีสูกรชาตกํ ตติยํ.