3.5.3 กายนิพฺพินฺทชาตก
127.
846
“ผุฏฺฐสฺส เม อญฺญตเรน พฺยาธินา,
โรเคน พาฬฺหํ ทุขิตสฺส รุปฺปโต;
ปริสุสฺสติ ขิปฺปมิทํ กเฬวรํ,
ปุปฺผํ ยถา ปํสุนิ อาตเป กตํ.
128.
847
อชญฺญํ ชญฺญสงฺขาตํ,
อสุจิํ สุจิสมฺมตํ;
นานากุณปปริปูรํ,
ชญฺญรูปํ อปสฺสโต.
129.
848
ธิรตฺถุมํ อาตุรํ ปูติกายํ,
เชคุจฺฉิยํ อสฺสุจิํ พฺยาธิธมฺมํ;
ยตฺถปฺปมตฺตา อธิมุจฺฉิตา ปชา,
หาเปนฺติ มคฺคํ สุคตูปปตฺติยา”ติ.
849
กายนิพฺพินฺทชาตกํ ตติยํ.