4.2.1 ปุจิมนฺทชาตก
41.
935
“อุฏฺเฐหิ โจร กิํ เสสิ,
โก อตฺโถ สุปเนน เต;
มา ตํ คเหสุํ ราชาโน,
คาเม กิพฺพิสการกํ”.
42.
936
“ยนฺนุ โจรํ คเหสฺสนฺติ,
คาเม กิพฺพิสการกํ;
กิํ ตตฺถ ปุจิมนฺทสฺส,
วเน ชาตสฺส ติฏฺฐโต”.
43.
937
“น ตฺวํ อสฺสตฺถ ชานาสิ,
มม โจรสฺส จนฺตรํ;
โจรํ คเหตฺวา ราชาโน,
คาเม กิพฺพิสการกํ;
อปฺเปนฺติ นิมฺพสูลสฺมิํ,
ตสฺมิํ เม สงฺกเต มโน”.
44.
938
“สงฺเกยฺย สงฺกิตพฺพานิ,
รกฺเขยฺยานาคตํ ภยํ;
อนาคตภยา ธีโร,
อุโภ โลเก อเวกฺขตี”ติ._
939
ปุจิมนฺทชาตกํ ปฐมํ.