4.2.7 มตโรทนชาตก
65.
965
“มตํ มตํ เอวํ โรทถ,
น หิ ตํ โรทถ โย มริสฺสติ;
สพฺเพปิ สรีรธาริโน,
อนุปุพฺเพน ชหนฺติ ชีวิตํ.
66.
966
เทวมนุสฺสา จตุปฺปทา,
ปกฺขิคณา อุรคา จ โภคิโน;
สมฺหิ สรีเร อนิสฺสรา,
รมมานาว ชหนฺติ ชีวิตํ.
67.
967
เอวํ จลิตํ อสณฺฐิตํ,
สุขทุกฺขํ มนุเชสฺวเปกฺขิย;
กนฺทิตรุทิตํ นิรตฺถกํ,
กิํ โว โสกคณาภิกีรเร.
68.
968
ธุตฺตา จ โสณฺฑา อกตา,
พาลา สูรา อโยคิโน;
ธีรํ มญฺญนฺติ พาโลติ,
เย ธมฺมสฺส อโกวิทา”ติ.
969
มตโรทนชาตกํ สตฺตมํ.