4.4.10 วิสยฺหชาตก
157.
1084
“อทาสิ ทานานิ ปุเร วิสยฺห,
ททโต จ เต ขยธมฺโม อโหสิ;
อิโต ปรญฺเจ น ทเทยฺย ทานํ,_
ติฏฺเฐยฺยุํ เต สํยมนฺตสฺส โภคา”.
158.
1085
“อนริยมริเยน สหสฺสเนตฺต,
สุทุคฺคเตนาปิ อกิจฺจมาหุ;
มา โว ธนํ ตํ อหุ เทวราช,
ยํ โภคเหตุ วิชเหมุ สทฺธํ.
159.
1086
เยน เอโก รโถ ยาติ,
ยาติ เตนาปโร รโถ;
โปราณํ นิหิตํ วตฺตํ,
วตฺตตญฺเญว วาสว.
160.
1087
ยทิ เหสฺสติ ทสฺสาม,
อสนฺเต กิํ ททามเส;
เอวํภูตาปิ ทสฺสาม,
มา ทานํ ปมทมฺหเส”ติ.
1088
วิสยฺหชาตกํ ทสมํ.
โกกิลวคฺโค จตุตฺโถ.
1089
ตสฺสุทฺทานํ
1090
อติเวลปภาสติ ชีตวโร,
วนมชฺฌ รเถสภ ชิมฺหคโม;
อถ ชมฺพุ ติณาสนปีฐวรํ,
อถ ตณฺฑุล โมร วิสยฺห ทสาติ.