4.4.5 ชมฺพุกชาตก
137.
1059
“พฺรหา ปวฑฺฒกาโย โส,
ทีฆทาโฐ จ ชมฺพุก;
น ตฺวํ ตตฺถ กุเล ชาโต,
ยตฺถ คณฺหนฺติ กุญฺชรํ”.
138.
1060
“อสีโห สีหมาเนน,
โย อตฺตานํ วิกุพฺพติ;
โกตฺถูว คชมาสชฺช,
เสติ ภูมฺยา อนุตฺถุนํ.
139.
1061
ยสสฺสิโน อุตฺตมปุคฺคลสฺส,
สญฺชาตขนฺธสฺส มหพฺพลสฺส;
อสเมกฺขิย ถามพลูปปตฺติํ,
ส เสติ นาเคน หโตยํ ชมฺพุโก.
140.
1062
โย จีธ กมฺมํ กุรุเต ปมาย,
ถามพฺพลํ อตฺตนิ สํวิทิตฺวา;
ชปฺเปน มนฺเตน สุภาสิเตน,
ปริกฺขวา โส วิปุลํ ชินาตี”ติ.
1063
ชมฺพุกชาตกํ ปญฺจมํ.