4.5.10 เทวตาปญฺหชาตก
197.
1136
“หนฺติ หตฺเถหิ ปาเทหิ,
มุขญฺจ ปริสุมฺภติ;
ส เว ราช ปิโย โหติ,
กํ เตน ตฺวาภิปสฺสสิ”.
198.
1137
“อกฺโกสติ ยถากามํ,
อาคมญฺจสฺส อิจฺฉติ;
ส เว ราช ปิโย โหติ,
กํ เตน ตฺวาภิปสฺสสิ”.
199.
1138
“อพฺภกฺขาติ อภูเตน,
อลิเกนาภิสารเย;
ส เว ราช ปิโย โหติ,
กํ เตน ตฺวาภิปสฺสสิ”.
200.
1139
“หรํ อนฺนญฺจ ปานญฺจ,
วตฺถเสนาสนานิ จ;
อญฺญทตฺถุหรา สนฺตา,
เต เว ราช ปิยา โหนฺติ;
กํ เตน ตฺวาภิปสฺสสี”ติ. (701)
1140
เทวตาปญฺหชาตกํ ทสมํ.
จูฬกุณาลวคฺโค ปญฺจโม.
1141
ตสฺสุทฺทานํ
1142
นรานํ อสกฺขิวสิมฺหวโร,
นีลิยมคฺคิวรญฺจ ปุน;
ปุน รสายสกูฏวโร,
ตถารญฺญ สารถิ หนฺติ ทสาติ.
1143
อถ วคฺคุทฺทานํ
1144
กาลิงฺคํ ปุจิมนฺทญฺจ,
กุฏิทูสก โกกิลา;
จูฬกุณาลวคฺโค โส,
ปญฺจโม สุปฺปกาสิโตติ.
1145
จตุกฺกนิปาตํ นิฏฺฐิตํ.