4.5.7 อยกูฏชาตก
185.
1121
“สพฺพายสํ กูฏมติปฺปมาณํ,
ปคฺคยฺห โย ติฏฺฐสิ อนฺตลิกฺเข;
รกฺขาย เม ตฺวํ วิหิโต นุสชฺช,
อุทาหุ เม เจตยเส วธาย”._
186.
1122
“ทูโต อหํ ราชิธ รกฺขสานํ,
วธาย ตุยฺหํ ปหิโตหมสฺมิ;
อินฺโท จ ตํ รกฺขติ เทวราชา,_
เตนุตฺตมงฺคํ น เต ผาลยามิ”.
187.
1123
“สเจ จ มํ รกฺขติ เทวราชา,
เทวานมินฺโท มฆวา สุชมฺปติ;
กามํ ปิสาจา วินทนฺตุ สพฺเพ,
น สนฺตเส รกฺขสิยา ปชาย.
188.
1124
กามํ กนฺทนฺตุ กุมฺภณฺฑา,
สพฺเพ ปํสุปิสาจกา;
นาลํ ปิสาจา ยุทฺธาย,
มหตี สา วิภิํสิกา”ติ.
1125
อยกูฏชาตกํ สตฺตมํ.