5.1.10 สุโยนนฺทีชาตก
55.
1209
“วาติ คนฺโธ ติมิรานํ,
กุสมุทฺโท จ โฆสวา;
ทูเร อิโต สุโยนนฺที,
ตมฺพ กามา ตุทนฺติ มํ”.
56.
1210
“กถํ สมุทฺทมตริ,
กถํ อทฺทกฺขิ เสทุมํ;
กถํ ตสฺสา จ ตุยฺหญฺจ,
อหุ สคฺคสมาคโม”.
57.
1211
“กุรุกจฺฉา ปยาตานํ,
วาณิชานํ ธเนสินํ;
มกเรหิ อภิทา นาวา,
ผลเกนาหมปฺลวิํ.
58.
1212
สา มํ สเณฺหน มุทุนา,
นิจฺจํ จนฺทนคนฺธินี;
องฺเคน อุทฺธรี ภทฺทา,
มาตา ปุตฺตํว โอรสํ.
59.
1213
สา มํ อนฺเนน ปาเนน,
วตฺเถน สยเนน จ;
อตฺตนาปิ จ มนฺทกฺขี,
เอวํ ตมฺพ วิชานหี”ติ.
1214
สุโยนนฺทีชาตกํ ทสมํ.
มณิกุณฺฑลวคฺโค ปฐโม.
1215
ตสฺสุทฺทานํ
1216
อถ ชินวโร หริตํ ติณโก,
อถ ภินฺนปฺลโว อุรโคว ฆโฏ;
ทริยา ปุน กุญฺชร ภูนหตา,
มิคมุตฺตมสคฺควเรน ทสาติ.