5.1.3 เวนสาขชาตก
14.
1161
“นยิทํ นิจฺจํ ภวิตพฺพํ พฺรหฺมทตฺต,
เขมํ สุภิกฺขํ สุขตา จ กาเย;
อตฺถจฺจเย มา อหุ สมฺปมูโฬฺห,
ภินฺนปฺลโว สาครเสฺสว มชฺเฌ.
15.
1162
ยานิ กโรติ ปุริโส,
ตานิ อตฺตนิ ปสฺสติ;
กลฺยาณการี กลฺยาณํ,
ปาปการี จ ปาปกํ;
ยาทิสํ วปเต พีชํ,
ตาทิสํ หรเต ผลํ”.
16.
1163
“อิทํ ตทาจริยวโจ,
ปาราสริโย ยทพฺรวิ;
มา สุ ตฺวํ อกริ ปาปํ,
ยํ ตฺวํ ปจฺฉา กตํ ตเป.
17.
1164
อยเมว โส ปิงฺคิย เวนสาโข,
ยมฺหิ ฆาตยิํ ขตฺติยานํ สหสฺสํ;
อลงฺกเต จนฺทนสารานุลิตฺเต,
ตเมว ทุกฺขํ ปจฺจาคตํ มมํ.
18.
1165
สามา จ โข จนฺทนลิตฺตคตฺตา,
ลฏฺฐีว โสภญฺชนกสฺส อุคฺคตา;
อทิสฺวา กาลํ กริสฺสามิ อุพฺพริํ,
ตํ เม อิโต ทุกฺขตรํ ภวิสฺสตี”ติ.
1166
เวนสาขชาตกํ ตติยํ.