5.1.5 ฆฏชาตก
29.
1178
“อญฺเญ โสจนฺติ โรทนฺติ,
อญฺเญ อสฺสุมุขา ชนา;
ปสนฺนมุขวณฺโณสิ,
กสฺมา ฆฏ น โสจสิ”.
30.
1179
“นาพฺภตีตหโร โสโก,
นานาคตสุขาวโห;
ตสฺมา ธงฺก น โสจามิ,
นตฺถิ โสเก ทุตียตา.
31.
1180
โสจํ ปณฺฑุ กิโส โหติ,
ภตฺตญฺจสฺส น รุจฺจติ;
อมิตฺตา สุมนา โหนฺติ,
สลฺลวิทฺธสฺส รุปฺปโต.
32.
1181
คาเม วา ยทิ วารญฺเญ,
นินฺเน วา ยทิ วา ถเล;
ฐิตํ มํ นาคมิสฺสติ,
เอวํ ทิฏฺฐปโท อหํ.
33.
1182
ยสฺสตฺตา นาลเมโกว,
สพฺพกามรสาหโร;
สพฺพาปิ ปถวี ตสฺส,
น สุขํ อาวหิสฺสตี”ติ.
1183
ฆฏชาตกํ ปญฺจมํ.