6.2.5 มยฺหกชาตก
103.
1436
“สกุโณ มยฺหโก นาม,
คิริสานุทรีจโร;
ปกฺกํ ปิปฺผลิมารุยฺห,
มยฺหํ มยฺหนฺติ กนฺทติ.
104.
1437
ตเสฺสวํ วิลปนฺตสฺส,
ทิชสงฺฆา สมาคตา;
ภุตฺวาน ปิปฺผลิํ ยนฺติ,
วิลปเตฺวว โส ทิโช.
105.
1438
เอวเมว อิเธกจฺโจ,
สงฺฆริตฺวา พหุํ ธนํ;
เนวตฺตโน น ญาตีนํ,
ยโถธิํ ปฏิปชฺชติ.
106.
1439
น โส อจฺฉาทนํ ภตฺตํ,
น มาลํ น วิเลปนํ;
อนุโภติ สกิํ กิญฺจิ,
น สงฺคณฺหาติ ญาตเก.
107.
1440
ตเสฺสวํ วิลปนฺตสฺส,
มยฺหํ มยฺหนฺติ รกฺขโต;
ราชาโน อถ วา โจรา,
ทายาทา เย ว อปฺปิยา;
ธนมาทาย คจฺฉนฺติ,
วิลปเตฺวว โส นโร.
108.
1441
ธีโร โภเค อธิคมฺม,
สงฺคณฺหาติ จ ญาตเก;
เตน โส กิตฺติํ ปปฺโปติ,
เปจฺจ สคฺเค ปโมทตี”ติ.
1442
มยฺหกชาตกํ ปญฺจมํ.