6.2.8 วิฆาสาทชาตก
123.
1459
“สุสุขํ วต ชีวนฺติ,
เย ชนา วิฆาสาทิโน;
ทิฏฺเฐว ธมฺเม ปาสํสา,
สมฺปราเย จ สุคฺคตี”.
124.
1460
“สุกสฺส ภาสมานสฺส,
น นิสาเมถ ปณฺฑิตา;
อิทํ สุณาถ โสทริยา,_
อเมฺหวายํ ปสํสติ”.
125.
1461
“นาหํ ตุมฺเห ปสํสามิ,
กุณปาทา สุณาถ เม;
อุจฺฉิฏฺฐโภชิโน ตุมฺเห,_
น ตุมฺเห วิฆาสาทิโน”.
126.
1462
“สตฺตวสฺสา ปพฺพชิตา,
เมชฺฌารญฺเญ สิขณฺฑิโน;
วิฆาเสเนว ยาเปนฺตา,
มยญฺเจ โภโต คารยฺหา;
เก นุ โภโต ปสํสิยา”.
127.
1463
“ตุมฺเห สีหานํ พฺยคฺฆานํ,
วาฬานญฺจาวสิฏฺฐกํ;
อุจฺฉิฏฺเฐเนว ยาเปนฺตา,_
มญฺญิโวฺห วิฆาสาทิโน.
128.
1464
เย พฺราหฺมณสฺส สมณสฺส,
อญฺญสฺส วา วนิพฺพิโน;
ทตฺวาว เสสํ ภุญฺชนฺติ,
เต ชนา วิฆาสาทิโน”ติ.
1465
วิฆาสาทชาตกํ อฏฺฐมํ.