7.1.2 มโนชชาตก
8.
1493
“ยถา จาโป นินฺนมติ,
ชิยา จาปิ นิกูชติ;
หญฺญเต นูน มโนโช,
มิคราชา สขา มม.
9.
1494
หนฺท ทานิ วนนฺตานิ,
ปกฺกมามิ ยถาสุขํ;
เนตาทิสา สขา โหนฺติ,
ลพฺภา เม ชีวโต สขา”.
10.
1495
“น ปาปชนสํเสวี,
อจฺจนฺตํ สุขเมธติ;
มโนชํ ปสฺส เสมานํ,
คิริยสฺสานุสาสนี”.
11.
1496
“น ปาปสมฺปวงฺเกน,
มาตา ปุตฺเตน นนฺทติ;
มโนชํ ปสฺส เสมานํ,
อจฺฉนฺนํ สมฺหิ โลหิเต”.
12.
1497
“เอวมาปชฺชเต โปโส,
ปาปิโย จ นิคจฺฉติ;
โย เว หิตานํ วจนํ,
น กโรติ อตฺถทสฺสินํ”.
13.
1498
“เอวญฺจ โส โหติ ตโต จ ปาปิโย,
โย อุตฺตโม อธมชนูปเสวี;
ปสฺสุตฺตมํ อธมชนูปเสวิตํ,
มิคาธิปํ สรวรเวคนิทฺธุตํ”.
14.
1499
“นิหียติ ปุริโส นิหีนเสวี,
น จ หาเยถ กทาจิ ตุลฺยเสวี;
เสฏฺฐมุปคมํ อุเทติ ขิปฺปํ,
ตสฺมาตฺตนา อุตฺตริตรํ ภเชถา”ติ.
1500
มโนชชาตกํ ทุติยํ.