7.2.4 ทฬฺหธมฺมชาตก
98.
1597
“อหญฺเจ ทฬฺหธมฺมสฺส,
วหนฺตี นาภิราธยิํ;
ธรนฺตี อุรสิ สลฺลํ,
ยุทฺเธ วิกฺกนฺตจารินี.
99.
1598
นูน ราชา น ชานาติ,
มม วิกฺกมโปริสํ;
สงฺคาเม สุกตนฺตานิ,
ทูตวิปฺปหิตานิ จ.
100.
1599
สา นูนาหํ มริสฺสามิ,
อพนฺธุ อปรายินี;
ตทา หิ กุมฺภการสฺส,
ทินฺนา ฉกณหาริกา”.
101.
1600
“ยาวตาสีสตี โปโส,
ตาวเทว ปวีณติ;
อตฺถาปาเย ชหนฺติ นํ,
โอฏฺฐิพฺยาธิํว ขตฺติโย.
102.
1601
โย ปุพฺเพ กตกลฺยาโณ,
กตตฺโถ นาวพุชฺฌติ;
อตฺถา ตสฺส ปลุชฺชนฺติ,
เย โหนฺติ อภิปตฺถิตา.
103.
1602
โย ปุพฺเพ กตกลฺยาโณ,
กตตฺโถ มนุพุชฺฌติ;
อตฺถา ตสฺส ปวฑฺฒนฺติ,
เย โหนฺติ อภิปตฺถิตา.
104.
1603
ตํ โว วทามิ ภทฺทนฺเต,
ยาวนฺเตตฺถ สมาคตา;
สพฺเพ กตญฺญุโน โหถ,
จิรํ สคฺคมฺหิ ฐสฺสถา”ติ.
1604
ทฬฺหธมฺมชาตกํ จตุตฺถํ.