7.2.7 โกฏสิมฺพลิชาตก
121.
1623
“อหํ ทสสตํพฺยามํ,
อุรคมาทาย อาคโต;_
ตญฺจ มญฺจ มหากายํ,
ธารยํ นปฺปเวธสิ.
122.
1624
อถิมํ ขุทฺทกํ ปกฺขิํ,
อปฺปมํสตรํ มยา;
ธารยํ พฺยถสิ ภีตา,
กมตฺถํ โกฏสิมฺพลิ”.
123.
1625
“มํสภกฺโข ตุวํ ราช,
ผลภกฺโข อยํ ทิโช;
อยํ นิโคฺรธพีชานิ,
ปิลกฺขุทุมฺพรานิ จ;
อสฺสตฺถานิ จ ภกฺขิตฺวา,
ขนฺเธ เม โอหทิสฺสติ.
124.
1626
เต รุกฺขา สํวิรูหนฺติ,
มม ปเสฺส นิวาตชา;
เต มํ ปริโยนนฺธิสฺสนฺติ,
อรุกฺขํ มํ กริสฺสเร.
125.
1627
สนฺติ อญฺเญปิ รุกฺขา เส,
มูลิโน ขนฺธิโน ทุมา;
อิมินา สกุณชาเตน,_
พีชมาหริตา หตา.
126.
1628
อชฺฌารูหาภิวฑฺฒนฺติ,
พฺรหนฺตมฺปิ วนปฺปติํ;
ตสฺมา ราช ปเวธามิ,
สมฺปสฺสํนาคตํ ภยํ”.
127.
1629
“สงฺเกยฺย สงฺกิตพฺพานิ,
รกฺเขยฺยานาคตํ ภยํ;
อนาคตภยา ธีโร,
อุโภ โลเก อเวกฺขตี”ติ._
1630
โกฏสิมฺพลิชาตกํ สตฺตมํ.