1 สงฺคหวาร
0.
2
ยํ โลโก ปูชยเต,
สโลกปาโล สทา นมสฺสติ จ;
ตเสฺสต สาสนวรํ,
วิทูหิ เญยฺยํ นรวรสฺส.
3
ทฺวาทส ปทานิ สุตฺตํ,
ตํ สพฺพํ พฺยญฺชนญฺจ อตฺโถ จ;
ตํ วิญฺเญยฺยํ อุภยํ,
โก อตฺโถ พฺยญฺชนํ กตมํ.
4
โสฬสหารา เนตฺติ,
ปญฺจนยา สาสนสฺส ปริเยฏฺฐิ;
อฏฺฐารสมูลปทา,
มหกจฺจาเนน นิทฺทิฏฺฐา.
5
หารา พฺยญฺชนวิจโย,
สุตฺตสฺส นยา ตโย จ สุตฺตตฺโถ;
อุภยํ ปริคฺคหีตํ,_
วุจฺจติ สุตฺตํ ยถาสุตฺตํ.
6
ยา เจว เทสนา ยญฺจ,
เทสิตํ อุภยเมว วิญฺเญยฺยํ;
ตตฺรายมานุปุพฺพี,
นววิธสุตฺตนฺตปริเยฏฺฐีติ.
7
สงฺคหวาโร.