1.4 ปิฏฺฐธีตลิกเปตวตฺถุ
10.
14
“ยํ กิญฺจารมฺมณํ กตฺวา,
ทชฺชา ทานํ อมจฺฉรี;
ปุพฺพเปเต จ อารพฺภ,
อถ วา วตฺถุเทวตา.
11.
15
จตฺตาโร จ มหาราเช,
โลกปาเล ยสสฺสิเน;
กุเวรํ ธตรฏฺฐญฺจ,
วิรูปกฺขํ วิรูฬฺหกํ;
เต เจว ปูชิตา โหนฺติ,
ทายกา จ อนิปฺผลา.
12.
16
น หิ รุณฺณํ วา โสโก วา,
ยา จญฺญา ปริเทวนา;
น ตํ เปตสฺส อตฺถาย,
เอวํ ติฏฺฐนฺติ ญาตโย.
13.
17
อยญฺจ โข ทกฺขิณา ทินฺนา,
สํฆมฺหิ สุปฺปติฏฺฐิตา;
ทีฆรตฺตํ หิตายสฺส,
ฐานโส อุปกปฺปตี”ติ.
18
ปิฏฺฐธีตลิกเปตวตฺถุ จตุตฺถํ.