1.9 มหาเปสการเปติวตฺถุ
54.
63
“คูถญฺจ มุตฺตํ รุหิรญฺจ ปุพฺพํ,
ปริภุญฺชติ กิสฺส อยํ วิปาโก;
อยํ นุ กิํ กมฺมมกาสิ นารี,
ยา สพฺพทา โลหิตปุพฺพภกฺขา.
55.
64
นวานิ วตฺถานิ สุภานิ เจว,
มุทูนิ สุทฺธานิ จ โลมสานิ;
ทินฺนานิมิสฺสา กิตกา ภวนฺติ,
อยํ นุ กิํ กมฺมมกาสิ นารี”ติ.
56.
65
“ภริยา มเมสา อหู ภทนฺเต,
อทายิกา มจฺฉรินี กทริยา;
สา มํ ททนฺตํ สมณพฺราหฺมณานํ,
อกฺโกสติ จ ปริภาสติ จ.
57.
66
‘คูถญฺจ มุตฺตํ รุหิรญฺจ ปุพฺพํ,
ปริภุญฺช ตฺวํ อสุจิํ สพฺพกาลํ;
เอตํ เต ปรโลกสฺมิํ โหตุ,
วตฺถา จ เต กิตกสมา ภวนฺตุ’;
เอตาทิสํ ทุจฺจริตํ จริตฺวา,
อิธาคตา จิรรตฺตาย ขาทตี”ติ._
67
มหาเปสการเปติวตฺถุ นวมํ.