3.3 รถการเปติวตฺถุ
“เวฬุริยถมฺภํ รุจิรํ ปภสฺสรํ,
วิมานมารุยฺห อเนกจิตฺตํ;
ตตฺถจฺฉสิ เทวิ มหานุภาเว,
ปถทฺธนิ ปนฺนรเสว จนฺโท.
วณฺโณ จ เต กนกสฺส สนฺนิโภ,
อุตฺตตฺตรูโป ภุส ทสฺสเนโยฺย;_
ปลฺลงฺกเสฏฺเฐ อตุเล นิสินฺนา,
เอกา ตุวํ นตฺถิ จ ตุยฺห สามิโก.
อิมา จ เต โปกฺขรณี สมนฺตา,_
ปหูตมลฺยา พหุปุณฺฑรีกา;
สุวณฺณจุณฺเณหิ สมนฺตโมตฺถตา,
น ตตฺถ ปงฺโก ปณโก จ วิชฺชติ.
หํสา จิเม ทสฺสนียา มโนรมา,
อุทกสฺมิมนุปริยนฺติ สพฺพทา;_
สมยฺย วคฺคูปนทนฺติ สพฺเพ,
พินฺทุสฺสรา ทุนฺทุภีนํว โฆโส.
ททฺทลฺลมานา ยสสา ยสสฺสินี,
นาวาย จ ตฺวํ อวลมฺพ ติฏฺฐสิ;
อาฬารปเมฺห หสิเต ปิยํวเท,
สพฺพงฺคกลฺยาณิ ภุสํ วิโรจสิ.
อิทํ วิมานํ วิรชํ สเม ฐิตํ,_
อุยฺยานวนฺตํ รตินนฺทิวฑฺฒนํ;_
อิจฺฉามหํ นาริ อโนมทสฺสเน,_
ตยา สห นนฺทเน อิธ โมทิตุนฺ”ติ.
“กโรหิ กมฺมํ อิธ เวทนียํ,
จิตฺตญฺจ เต อิธ นิหิตํ ภวตุ;
กตฺวาน กมฺมํ อิธ เวทนียํ,
เอวํ มมํ ลจฺฉสิ กามกามินินฺ”ติ.
“สาธู”ติ โส ตสฺสา ปฏิสฺสุณิตฺวา,
อกาสิ กมฺมํ ตหิํ เวทนียํ;
กตฺวาน กมฺมํ ตหิํ เวทนียํ,
อุปปชฺชิ โส มาณโว ตสฺสา สหพฺยตนฺติ._
รถการเปติวตฺถุ ตติยํ.
ภาณวารํ ทุติยํ.