3.4 ภุสเปตวตฺถุ
447.
483
“ภุสานิ เอโก สาลิํ ปุนาปโร,
อยญฺจ นารี สกมํสโลหิตํ;
ตุวญฺจ คูถํ อสุจิํ อกนฺตํ,
ปริภุญฺชสิ กิสฺส อยํ วิปาโก”ติ.
448.
484
“อยํ ปุเร มาตรํ หิํสติ,
อยํ ปน กูฏวาณิโช;
อยํ มํสานิ ขาทิตฺวา,
มุสาวาเทน วญฺเจติ.
449.
485
อหํ มนุเสฺสสุ มนุสฺสภูตา,
อคารินี สพฺพกุลสฺส อิสฺสรา;
สนฺเตสุ ปริคุหามิ,
มา จ กิญฺจิ อิโต อทํ.
450.
486
มุสาวาเทน ฉาเทมิ,
‘นตฺถิ เอตํ มม เคเห;
สเจ สนฺตํ นิคุหามิ,
คูโถ เม โหตุ โภชนํ’.
451.
487
ตสฺส กมฺมสฺส วิปาเกน,
มุสาวาทสฺส จูภยํ;
สุคนฺธํ สาลิโน ภตฺตํ,
คูถํ เม ปริวตฺตติ.
452.
488
อวญฺฌานิ จ กมฺมานิ,
น หิ กมฺมํ วินสฺสติ;
ทุคฺคนฺธํ กิมินํ มีฬํ,
ภุญฺชามิ จ ปิวามิ จา”ติ.
489
ภุสเปตวตฺถุ จตุตฺถํ.