4.12 อมฺพวนเปตวตฺถุ
796.
855
“อยญฺจ เต โปกฺขรณี สุรมฺมา,
สมา สุติตฺถา จ มโหทกา จ;
สุปุปฺผิตา ภมรคณานุกิณฺณา,
กถํ ตยา ลทฺธา อยํ มนุญฺญา.
797.
856
อิทญฺจ เต อมฺพวนํ สุรมฺมํ,_
สพฺโพตุกํ ธารยเต ผลานิ;
สุปุปฺผิตํ ภมรคณานุกิณฺณํ,
กถํ ตยา ลทฺธมิทํ วิมานํ”.
798.
857
“อมฺพปกฺกํ ทกํ ยาคุ,
สีตจฺฉายา มโนรมา;
ธีตาย ทินฺนทาเนน,
เตน เม อิธ ลพฺภติ”.
799.
858
“สนฺทิฏฺฐิกํ กมฺมํ เอวํ ปสฺสถ,
ทานสฺส ทมสฺส สํยมสฺส วิปากํ;
ทาสี อหํ อยฺยกุเลสุ หุตฺวา,
สุณิสา โหมิ อคารสฺส อิสฺสรา”ติ.
859
อมฺพวนเปตวตฺถุ ทฺวาทสมํ.