4.15 เสฏฺฐิปุตฺตเปตวตฺถุ
802.
864
“สฏฺฐิวสฺสสหสฺสานิ,
ปริปุณฺณานิ สพฺพโส;
นิรเย ปจฺจมานานํ,
กทา อนฺโต ภวิสฺสติ.
803.
865
นตฺถิ อนฺโต กุโต อนฺโต,
น อนฺโต ปฏิทิสฺสติ;
ตถา หิ ปกตํ ปาปํ,
ตุยฺหํ มยฺหญฺจ มาริสา.
804.
866
ทุชฺชีวิตมชีวมฺห,
เย สนฺเต น ททมฺหเส;
สนฺเตสุ เทยฺยธมฺเมสุ,
ทีปํ นากมฺห อตฺตโน.
805.
867
โสหํ นูน อิโต คนฺตฺวา,
โยนิํ ลทฺธาน มานุสิํ;
วทญฺญู สีลสมฺปนฺโน,
กาหามิ กุสลํ พหุนฺ”ติ.
868
เสฏฺฐิปุตฺตเปตวตฺถุ ปนฺนรสมํ.