4.9 คูถขาทกเปติวตฺถุ
774.
830
“คูถกูปโต อุคฺคนฺตฺวา,
กา นุ ทีนา ปติฏฺฐสิ;
นิสฺสํสยํ ปาปกมฺมนฺตา,
กิํ นุ สทฺทหเส ตุวนฺ”ติ.
775.
831
“อหํ ภทนฺเต เปตีมฺหิ,
ทุคฺคตา ยมโลกิกา;
ปาปกมฺมํ กริตฺวาน,
เปตโลกํ อิโต คตา”ติ.
776.
832
“กิํ นุ กาเยน วาจาย,
มนสา ทุกฺกฏํ กตํ;
กิสฺส กมฺมวิปาเกน,
อิทํ ทุกฺขํ นิคจฺฉสี”ติ._
777.
833
“อหุ อาวาสิโก มยฺหํ,
อิสฺสุกี กุลมจฺฉรี;_
อชฺฌาสิโต มยฺหํ ฆเร,
กทริโย ปริภาสโก.
778.
834
ตสฺสาหํ วจนํ สุตฺวา,
ภิกฺขโว ปริภาสิสํ;
ตสฺส กมฺมวิปาเกน,
เปตโลกํ อิโต คตา”ติ.
779.
835
“อมิตฺโต มิตฺตวณฺเณน,
โย เต อาสิ กุลูปโก;
กายสฺส เภทา ทุปฺปญฺโญ,
กิํ นุ เปจฺจ คติํ คโต”ติ.
780.
836
“ตเสฺสวาหํ ปาปกมฺมสฺส,
สีเส ติฏฺฐามิ มตฺถเก;
โส จ ปรวิสยํ ปตฺโต,
มเมว ปริจารโก.
781.
837
ยํ ภทนฺเต หทนฺตญฺเญ,
เอตํ เม โหติ โภชนํ;
อหญฺจ โข ยํ หทามิ,
เอตํ โส อุปชีวตี”ติ.
838
คูถขาทกเปติวตฺถุ นวมํ.