2.3 หิริสุตฺต
256.
294
หิริํ ตรนฺตํ วิชิคุจฺฉมานํ,
ตวาหมสฺมิ อิติ ภาสมานํ;
สยฺหานิ กมฺมานิ อนาทิยนฺตํ,
เนโส มมนฺติ อิติ นํ วิชญฺญา. (1)
257.
295
อนนฺวยํ ปิยํ วาจํ,
โย มิตฺเตสุ ปกุพฺพติ;
อกโรนฺตํ ภาสมานํ,
ปริชานนฺติ ปณฺฑิตา. (2)
258.
296
น โส มิตฺโต โย สทา อปฺปมตฺโต,
เภทาสงฺกี รนฺธเมวานุปสฺสี;
ยสฺมิญฺจ เสติ อุรสีว ปุตฺโต,
ส เว มิตฺโต โย ปเรหิ อเภชฺโช. (3)
259.
297
ปามุชฺชกรณํ ฐานํ,
ปสํสาวหนํ สุขํ;
ผลานิสํโส ภาเวติ,
วหนฺโต โปริสํ ธุรํ. (4)
260.
298
ปวิเวกรสํ ปิตฺวา,
รสํ อุปสมสฺส จ;
นิทฺทโร โหติ นิปฺปาโป,
ธมฺมปีติรสํ ปิวนฺติ. (5)
299
หิริสุตฺตํ ตติยํ.