4.1 กามสุตฺต
773.
934
กามํ กามยมานสฺส,
ตสฺส เจ ตํ สมิชฺฌติ;
อทฺธา ปีติมโน โหติ,
ลทฺธา มจฺโจ ยทิจฺฉติ. (1)
774.
935
ตสฺส เจ กามยานสฺส,
ฉนฺทชาตสฺส ชนฺตุโน;
เต กามา ปริหายนฺติ,
สลฺลวิทฺโธว รุปฺปติ. (2)
775.
936
โย กาเม ปริวชฺเชติ,
สปฺปเสฺสว ปทา สิโร;
โสมํ วิสตฺติกํ โลเก,
สโต สมติวตฺตติ. (3)
776.
937
เขตฺตํ วตฺถุํ หิรญฺญํ วา,
ควาสฺสํ ทาสโปริสํ;
ถิโย พนฺธู ปุถุ กาเม,
โย นโร อนุคิชฺฌติ. (4)
777.
938
อพลา นํ พลียนฺติ,
มทฺทนฺเตนํ ปริสฺสยา;
ตโต นํ ทุกฺขมเนฺวติ,
นาวํ ภินฺนมิโวทกํ. (5)
778.
939
ตสฺมา ชนฺตุ สทา สโต,
กามานิ ปริวชฺชเย;
เต ปหาย ตเร โอฆํ,
นาวํ สิตฺวาว ปารคูติ. (6)
940
กามสุตฺตํ ปฐมํ.