5.11 ชตุกณฺณิมาณวปุจฺฉา
1103.
1299
“สุตฺวานหํ วีรมกามกามิํ, (อิจฺจายสฺมา ชตุกณฺณิ)
โอฆาติคํ ปุฏฺฐุมกามมาคมํ;
สนฺติปทํ พฺรูหิ สหชเนตฺต,
ยถาตจฺฉํ ภควา พฺรูหิ เมตํ. (1)
1104.
1300
ภควา หิ กาเม อภิภุยฺย อิริยติ,
อาทิจฺโจว ปถวิํ เตชี เตชสา;
ปริตฺตปญฺญสฺส เม ภูริปญฺญ,
อาจิกฺข ธมฺมํ ยมหํ วิชญฺญํ;
ชาติชราย อิธ วิปฺปหานํ”. (2)
1105.
1301
“กาเมสุ วินย เคธํ, (ชตุกณฺณีติ ภควา)
เนกฺขมฺมํ ทฏฺฐุ เขมโต;
อุคฺคหีตํ นิรตฺตํ วา,_
มา เต วิชฺชิตฺถ กิญฺจนํ. (3)
1106.
1302
ยํ ปุพฺเพ ตํ วิโสเสหิ,
ปจฺฉา เต มาหุ กิญฺจนํ;
มชฺเฌ เจ โน คเหสฺสสิ,
อุปสนฺโต จริสฺสสิ. (4)_
1107.
1303
สพฺพโส นามรูปสฺมิํ,
วีตเคธสฺส พฺราหฺมณ;
อาสวาสฺส น วิชฺชนฺติ,
เยหิ มจฺจุวสํ วเช”ติ. (5)
1304
ชตุกณฺณิมาณวปุจฺฉา เอกาทสมา.