5.12 ภทฺราวุธมาณวปุจฺฉา
1108.
1305
“โอกญฺชหํ ตณฺหจฺฉิทํ อเนชํ, (อิจฺจายสฺมา ภทฺราวุโธ)
นนฺทิญฺชหํ โอฆติณฺณํ วิมุตฺตํ;
กปฺปญฺชหํ อภิยาเจ สุเมธํ,
สุตฺวาน นาคสฺส อปนมิสฺสนฺติ อิโต. (1)
1109.
1306
นานาชนา ชนปเทหิ สงฺคตา,
ตว วีร วากฺยํ อภิกงฺขมานา;
เตสํ ตุวํ สาธุ วิยากโรหิ,
ตถา หิ เต วิทิโต เอส ธมฺโม”. (2)
1110.
1307
“อาทานตณฺหํ วินเยถ สพฺพํ, (ภทฺราวุธาติ ภควา)
อุทฺธํ อโธ ติริยญฺจาปิ มชฺเฌ;_
ยํ ยญฺหิ โลกสฺมิมุปาทิยนฺติ,
เตเนว มาโร อเนฺวติ ชนฺตุํ. (3)
1111.
1308
ตสฺมา ปชานํ น อุปาทิเยถ,
ภิกฺขุ สโต กิญฺจนํ สพฺพโลเก;
อาทานสตฺเต อิติ เปกฺขมาโน,
ปชํ อิมํ มจฺจุเธเยฺย วิสตฺตนฺ”ติ. (4)
1309
ภทฺราวุธมาณวปุจฺฉา ทฺวาทสมา.