5.14 โปสาลมาณวปุจฺฉา
1119.
1318
“โย อตีตํ อาทิสติ, (อิจฺจายสฺมา โปสาโล)
อเนโช ฉินฺนสํสโย;
ปารคุํ สพฺพธมฺมานํ,
อตฺถิ ปเญฺหน อาคมํ. (1)
1120.
1319
วิภูตรูปสญฺญิสฺส,
สพฺพกายปฺปหายิโน;
อชฺฌตฺตญฺจ พหิทฺธา จ,
นตฺถิ กิญฺจีติ ปสฺสโต;
ญาณํ สกฺกานุปุจฺฉามิ,
กถํ เนโยฺย ตถาวิโธ”. (2)
1121.
1320
“วิญฺญาณฏฺฐิติโย สพฺพา, (โปสาลาติ ภควา)
อภิชานํ ตถาคโต;
ติฏฺฐนฺตเมนํ ชานาติ,
วิมุตฺตํ ตปฺปรายณํ. (3)
1122.
1321
อากิญฺจญฺญสมฺภวํ ญตฺวา,
นนฺที สํโยชนํ อิติ;
เอวเมตํ อภิญฺญาย,
ตโต ตตฺถ วิปสฺสติ;
เอตํ ญาณํ ตถํ ตสฺส,
พฺราหฺมณสฺส วุสีมโต”ติ. (4)
1322
โปสาลมาณวปุจฺฉา จุทฺทสมา.