5.16 ปิงฺคิยมาณวปุจฺฉา
1127.
1328
“ชิณฺโณหมสฺมิ อพโล วีตวณฺโณ, (อิจฺจายสฺมา ปิงฺคิโย)
เนตฺตา น สุทฺธา สวนํ น ผาสุ;
มาหํ นสฺสํ โมมุโห อนฺตราว,
อาจิกฺข ธมฺมํ ยมหํ วิชญฺญํ;
ชาติชราย อิธ วิปฺปหานํ”. (1)
1128.
1329
“ทิสฺวาน รูเปสุ วิหญฺญมาเน, (ปิงฺคิยาติ ภควา)
รุปฺปนฺติ รูเปสุ ชนา ปมตฺตา;
ตสฺมา ตุวํ ปิงฺคิย อปฺปมตฺโต,
ชหสฺสุ รูปํ อปุนพฺภวาย”. (2)
1129.
1330
“ทิสา จตโสฺส วิทิสา จตโสฺส,
อุทฺธํ อโธ ทส ทิสา อิมาโย;_
น ตุยฺหํ อทิฏฺฐํ อสุตํ อมุตํ,
อโถ อวิญฺญาตํ กิญฺจนมตฺถิ โลเก;
อาจิกฺข ธมฺมํ ยมหํ วิชญฺญํ,
ชาติชราย อิธ วิปฺปหานํ”. (3)
1130.
1331
“ตณฺหาธิปนฺเน มนุเช เปกฺขมาโน, (ปิงฺคิยาติ ภควา)
สนฺตาปชาเต ชรสา ปเรเต;
ตสฺมา ตุวํ ปิงฺคิย อปฺปมตฺโต,
ชหสฺสุ ตณฺหํ อปุนพฺภวายา”ติ. (4)
1332
ปิงฺคิยมาณวปุจฺฉา โสฬสมา.