5.8 เหมกมาณวปุจฺฉา
1091.
1284
“เย เม ปุพฺเพ วิยากํสุ, (อิจฺจายสฺมา เหมโก)
หุรํ โคตมสาสนา;
อิจฺจาสิ อิติ ภวิสฺสติ,_
สพฺพํ ตํ อิติหีติหํ;
สพฺพํ ตํ ตกฺกวฑฺฒนํ,
นาหํ ตตฺถ อภิรมิํ. (1)
1092.
1285
ตฺวญฺจ เม ธมฺมมกฺขาหิ,
ตณฺหานิคฺฆาตนํ มุนิ;
ยํ วิทิตฺวา สโต จรํ,
ตเร โลเก วิสตฺติกํ”. (2)
1093.
1286
“อิธ ทิฏฺฐสุตมุตวิญฺญาเตสุ,
ปิยรูเปสุ เหมก;
ฉนฺทราควิโนทนํ,
นิพฺพานปทมจฺจุตํ. (3)
1094.
1287
เอตทญฺญาย เย สตา,
ทิฏฺฐธมฺมาภินิพฺพุตา;
อุปสนฺตา จ เต สทา,_
ติณฺณา โลเก วิสตฺติกนฺ”ติ. (4)
1288
เหมกมาณวปุจฺฉา อฏฺฐมา.