3.1.16 วิมลตฺเถรคาถา
264.
494
“ปาปมิตฺเต วิวชฺเชตฺวา,
ภเชยฺยุตฺตมปุคฺคลํ;
โอวาเท จสฺส ติฏฺเฐยฺย,
ปตฺเถนฺโต อจลํ สุขํ.
265.
495
ปริตฺตํ ทารุมารุยฺห,
ยถา สีเท มหณฺณเว;
เอวํ กุสีตมาคมฺม,
สาธุชีวีปิ สีทติ;
ตสฺมา ตํ ปริวชฺเชยฺย,
กุสีตํ หีนวีริยํ.
266.
496
ปวิวิตฺเตหิ อริเยหิ,
ปหิตตฺเตหิ ฌายิภิ;
นิจฺจํ อารทฺธวีริเยหิ,
ปณฺฑิเตหิ สหาวเส”ติ.
497
… วิมโล เถโร… .
498
ติกนิปาโต นิฏฺฐิโต.
499
ตตฺรุทฺทานํ
500
องฺคณิโก ภารทฺวาโช,
ปจฺจโย พากุโล อิสิ;
ธนิโย มาตงฺคปุตฺโต,
โสภิโต วารโณ อิสิ.
501
วสฺสิโก จ ยโสโช จ,
สาฏิมตฺติยุปาลิ จ;
อุตฺตรปาโล อภิภูโต,_
โคตโม หาริโตปิ จ.
502
เถโร ติกนิปาตมฺหิ,
นิพฺพาเน วิมโล กโต;
อฏฺฐตาลีส คาถาโย,
เถรา โสฬส กิตฺติตาติ.