4.1.12 มุทิตตฺเถรคาถา
311.
558
“ปพฺพชิํ ชีวิกตฺโถหํ,
ลทฺธาน อุปสมฺปทํ;
ตโต สทฺธํ ปฏิลภิํ,
ทฬฺหวีริโย ปรกฺกมิํ.
312.
559
กามํ ภิชฺชตุยํ กาโย,
มํสเปสี วิสียรุํ;
อุโภ ชณฺณุกสนฺธีหิ,_
ชงฺฆาโย ปปตนฺตุ เม.
313.
560
นาสิสฺสํ น ปิวิสฺสามิ,
วิหารา จ น นิกฺขเม;
นปิ ปสฺสํ นิปาเตสฺสํ,
ตณฺหาสเลฺล อนูหเต.
314.
561
ตสฺส เมวํ วิหรโต,
ปสฺส วีริยปรกฺกมํ;
ติโสฺส วิชฺชา อนุปฺปตฺตา,
กตํ พุทฺธสฺส สาสนนฺ”ติ.
562
… มุทิโต เถโร… .
563
จตุกฺกนิปาโต นิฏฺฐิโต.
564
ตตฺรุทฺทานํ
565
นาคสมาโล ภคุ จ,
สภิโย นนฺทโกปิ จ;
ชมฺพุโก เสนโก เถโร,
สมฺภูโต ราหุโลปิ จ.
566
ภวติ จนฺทโน เถโร,
ทเสเต พุทฺธสาวกา;
ธมฺมิโก สปฺปโก เถโร,
มุทิโต จาปิ เต ตโย;
คาถาโย ทฺเว จ ปญฺญาส,
เถรา สพฺเพปิ เตรสาติ.