4.1.8 ราหุลตฺเถรคาถา
295.
538
“อุภเยเนว สมฺปนฺโน,
ราหุลภทฺโทติ มํ วิทู;
ยญฺจมฺหิ ปุตฺโต พุทฺธสฺส,
ยญฺจ ธมฺเมสุ จกฺขุมา.
296.
539
ยญฺจ เม อาสวา ขีณา,
ยญฺจ นตฺถิ ปุนพฺภโว;
อรหา ทกฺขิเณโยฺยมฺหิ,
เตวิชฺโช อมตทฺทโส.
297.
540
กามนฺธา ชาลปจฺฉนฺนา,
ตณฺหาฉาทนฉาทิตา;
ปมตฺตพนฺธุนา พทฺธา,
มจฺฉาว กุมินามุเข.
298.
541
ตํ กามํ อหมุชฺฌิตฺวา,
เฉตฺวา มารสฺส พนฺธนํ;
สมูลํ ตณฺหมพฺพุยฺห,
สีติภูโตสฺมิ นิพฺพุโต”ติ.
542
… ราหุโล เถโร… .